Ukraynanın Radikal Partiyasının lideri Oleq Lyaşko hesab edir ki, Odessa vilayətinin keçmiş qubernatoru Mixail Saakaşvili Polşa-Ukrayna sərhədini keçməyə cəhd etdiyi zaman güllələnməlidir.

Virtualaz.org xəbər verir ki, özünün “Facebook” səhifəsində Lyaşko bununla bağlı yazıb:

“Saakaşvili öz kirvəsi Poroşenkonun qeyri-qanuni şəkildə verilmiş pasportunun əlindən alınması ilə bağlı qərarından narazıdır?! Ən yaxşı vəkilləri tut və get məhkəməyə! Sərhədçilərimizə müraciət edirəm: sərhədi keçən hər kəsi tərəddüd etmədən güllələyərək öldürün”.

Xatırladaq ki, hazırda Avropa ölkələrindən birində olan Mixail Saakaşvili sentyabrın 10-da Polşadan vətəndaşlığından məhrum edildiyi Ukraynaya daxil olacağını bəyan edib.

Sonxeberler.info