Bugün, sentyabrın 24-də vəkil Nemət Kərimli 16 saylı Cəzaçəkmə Müəssisində saxlanan və aclıq aksiyası keçirən jurnalist Əfqan Muxtarlı ilə görüşüb.
Sonxeberler.info xəbər verir ki, Vəkil Bu barədə AzadlıqRadiosuna məlumat verib. Ə.Muxtarlı bazar günü, sentyabrın 22-si səhər saat 8-dən aclıq elan edib və bunu rəsmi şəkildə müəssisənin rəhbərliyinə bildirib: «Aclıqla bağlı Əfqan Muxtarlı digər dustaqlardan ayırmalı idi və ona görə karsa salındı. Saxlanma şəraitindən bir elə narazılığı yoxdur, lakin Əfqan şəkər xəstəsidir və aclıq ona artıq pis təsir edir, səhhətində müəyyən problemlər yaranıb».
Vəkilin vurğulamasına görə, Ə.Muxtarlı ona, yəni N.Kərimliyə qarşı 16 saylı Cəzaçəkmə Müəssisəsində göstərilən təzyiq araşdırılmayana qədər aclıq aksiyasını davam etdirəcəyini söyləyib .
Sonxeberler.info