Rəqqasə Oksana Rəsulovanın ailəsi Şabranda yaşadığından, ailənin özü “Maşın Şou”ya qonaq gəlib.

12 gün anasından ayrı qalan rəqqasə anasını qarşısında gördükdə göz yaşlarını saxlaya bilməyib: “İşlərin çoxğluğundan bəzən ailəmizi görə bilmirik. Bunu yerdə anam, göydə Allah bilir... “

Anası isə qızının 1 yaş yarımında olarkən gördüyü əhvalatı danışıb: “Gəldim gördüm ki, bir jurnalı cırıb. Əlinin üstündən çimdiklədim, dedim ki, niyə cırıbsan? Sonra gəldim gördüm ki, acığından cırdıqlarını parça-parça edib... Amma çox iradəli, istədiyinə nail ola bilən qızdır. Nə istəyib, ona əli çatıb, iradəsi möhkəmdir. Hara gedibsə, yarıdıb”.

Rəqqasənin anası şouda baş verən qalmaqallara da münasibət bildirib: “Mədəniyyət işçisinin təbiəti də gərək mədəniyyət çərçivəsində olsun. Oksanaya həmişə demişəm ki, özünü cilovla. Çünki kənardan baxanda o qədər pis görünür ki. Hansı ana istəyər ki, orada övladı cılız görünsün?”

Rəqqasənin anası müğənni Səidə Sultan haqda da danışıb: “O qızı mən çox istəyirəm, bunu özünə də demişəm. Demişəm ki, bəzi hərəkətləri yaxşı deyil, amma içi safdır”.

Rəqqasə isə sonda qeyd edib ki, ailəsi məşhur Ağabəyovlar nəslindəndir.