“Maşın Şou”nun bugünkü məşhur qonaqlarından biri aktyor Rafael İskəndərov olub.

4-cü “Maşın Şou”nun qalibi olmuş aktyor şouda olarkən başına gələn maraqlı əhvalatdan danışıb: “Veilişə gəldiyim ilk gün oturub siqaret çəkirdim. Bir də gördüm ki, işçilər nəsə axtarır. Soruşdum, dedilər ki, maşının açarı itib. Siqareti yerə atanda gördüm ki, açar ayağımın yanındadır. Elşəni çağırıb açarı verdim. O da dedi ki, deyəsən axı maşın sənindir. Bu, digər iştirakçılar üçün acı da olsa, maşın sonda mənə qaldı”.

Aktyor daha sonra finala qalan iştirakçılara dözümlü olmağı arzulayıb, uğurlar diləyib.