"Gənc kişilərlə birlikdə olan qadınları qınayıram” sözləri ilə müzakirələrə səbəb olan aktrisa Mələk Baykal şəxsi həyatı ilə bağlı açıqlama verib.

Sonxeberler.info Türkiyə mətbuatına istinadən xəbər verir ki, Baykal 34 illik alman həyat yoldaşı Varner Striening ilə boşanmağa hazırlaşdığını deyib: "Mən 1984-cü ildən bəri bir almanla rəsmi olaraq evliyəm. Sevdim və evləndim. Hətta sənətimi də önəmli saymadım, bu eşqdir. 1987-ci ildə isə geri döndüm. Bir müddət öncə həyat yoldaşıma "Mən istəmirəm, amma boşanmaq istəyirsinizsə, boşanaq” dedim. Münasibətimiz boşanma mərhələsindədir”.

Qeyd edək ki, aktrisa almandan öncə “Arka sokaklar” serialının “Rza babası” Zafer Ergin ilə evli olub.