Göygöldə ölümlə nəticələnən yol qəzası baş verib.
APA-nın yerli bürosunun xəbərinə görə, qəza Topalhəsənli-Zurnabad yolunda qeydə alınıb
Belə ki, hərəkətdə olan “Niva” markalı avtomobilin sürücüsü idarəetməni itirib, avtomobil yoldan çıxaraq aşıb.
Qəza nəticəsində sərnişin 1996-cı il təvəllüdlü Qocayeva Gülnar Fazil qızı hadisə yerində ölüb.
Avtomobilin sürücüsü 1992-ci il təvəllüdlü Qocayev Elnur Fazil oğlu xəstəxanaya yerləşdirilib. Onun vəziyyətinin orta-ağır olduğu bildirilir.
Faktla bağlı araşdırma aparılır.